Дани Ольмо "Барселона" эмблемасини ўпди.
Ханси Флик шогирдлари Испания Суперкубоги финалида "Реал"ни 5:2 ҳисобида мағлуб этишди. Ольмо 60-дақиқада майдонга тушди.
Ўйиндан сўнг испаниялик футболчи "кўк-анорранглилар" мухлислари трибунаси томон йўл олди ва клуб гербини ўпди.
Эслатиб ўтамиз, Ла Лига ва Испания Қироллик футбол федерацияси (RFEF) январь ойи бошида Дани Ольмо ва Пау Викторни "Барса" сафида рўйхатдан ўтказишдан бош тортгани ҳақида эълон қилган эди. Каталония клуби Олий спорт кенгашига мурожаат қилди, бу эса "Барселона"га Дани Ольмо ва Пау Викторни мавсумнинг иккинчи қисми учун вақтинча рўйхатдан ўтказишга рухсат берди.