Луис Энрике "ПСЖ"нинг Лига 1да "Сент-Этьен" устидан қозонилган ғалабасига (2:1) баҳо берди.
"Аввало, "Сент-Этьен"ни табриклайман. Уларнинг ўйинни қўрқмасдан бошлашлари, тўпни назорат қилишлари ва юқори прессинг қилишлари менга жуда ёқди.
Бизга келсак, очилишда бироз адашиб қолдик. Ўйиннинг бошланиши менга умуман ёқмади. Кейин вазиятлар ярата бошладик ва урган голларимиз бизга далда берди.
Сиз журналистлар одатда гол урганларни ажратиб кўрсатасиз, лекин мен ҳаммани ҳурмат қиламан. Жамоанинг вазифаси - энг яхши ўйинчиларнинг кучли томонларидан фойдаланиш. Биз йирикроқ ҳисобда ғалаба қозонишимиз керак эди, аммо самарадорлик етишмади. Биз ўзимизга бўлган ишончни оқлашимиз керак – мен янги ҳеч нарса айтмаяпман", — деди "ПСЖ" устози.
