Миш-мишларга кўра, "Ал-Ҳилол" ҳужумчиси Неймар "Интер Майами"га ўтиши мумкин.
МЛС жамоаси бир вақтлар "Барселона"да порлаган Лионель Месси – Луис Суарес – Неймардан иборат ҳужум учлигини қайта бирлаштириши мумкинлиги ҳақида миш-мишлар бор. Бироқ “Интер Майами” бош мураббийи Хавьер Маскерано бундай сценарийни рад этди.
"Биз Неймар ҳақида гапира олмаймиз, чунки у бизда йўқ. Неймар ажойиб футболчи эканлиги кўриниб турибди. Дунёдаги ҳар бир мураббий уни ўз жамоасида кўришни истайди, аммо бу вақтда сиз МЛСнинг маош чегарасига оид қоидаларини биласиз. Шу боисдан ҳам бугун Неймар ҳақида ўйлашнинг иложи йўқ", - деди Маскерано.
