Италиянинг "Интер" жамоаси президенти Массимо Моратти клубнинг янги инвестори бўлишга тайёр эканини билдирган Индонезиялик тадбиркор Эрик Тохир билан учрашув ўтказди. Бу ҳақида La Gazzetta dello Sport хабар тарқатган.
Тохир "Интер" акцияларининг 51 фоизини сотиб олиш ниятида. Манба берган маълумотга кўра, "Интер" акцияларининг назорат пакетини сотишни аввал рад этган Моратти бу сафарги келишувга рози бўлиши мумкин.
Маълумот ўрнида айтиш жоиз, Эрик Тохир спортдаги фаолият бўйича тажрибага эга. 43 ёшли индонезиялик корчалон МЛСда иштирок этувчи "Ди Си Юнайтед" жамоасига шериги билан эгалик қилади. Шунингдек, Жанубий-ғарбий Осиё баскетбол ассоциацияси президентлиги учун ҳаракат қилмоқда.
