"Манчестер Сити" вингери Савио жамоага келганидан сўнг дебют мавсумидаги ўйинлари ҳақида гапирди. Ўтган ой охирида бразилиялик футболчи “шаҳарликлар” сафида илк голини урди. 20 ёшли футболчининг ҳисобида 8 та голли узатма ҳам бор.
"Менда ҳали яхшиланишим керак бўлган нарса бор. Жамоадошларим билан майдонда осон мулоқот қилишим учун инглиз тилида яхшироқ гапиришим керак. Мен ҳали ҳам мослашяпман, лекин ишлар қандай кетаётганидан мамнунман ва доим яхшиланишга интиламан", - дея футболчининг сўзларини келтиради "Манчестер Сити" матбуот хизмати.
"Манчестер Сити" Савиони ўтган йилнинг июл ойида 25 миллион евро эвазига Франциянинг "Труа" жамоасидан сотиб олганди.
