"Ливерпуль" бош мураббийи Арне Слот "Ноттингем Форест"га қарши ўйиндаги (1:1) жамоасининг ўйини ҳақида ўз фикрларини айтди.
“Ўрмончилар” 8-дақиқада Крис Вуднинг голи эвазига ҳисобда олдинга чиқиб олишди. Меҳмонлар сафида 66-дақиқада Диого Жота ҳисобни тенглаштирди.
"Биз, албатта, “Ноттингем Форест”га қарши олдинги ўйинга қараганда яхшироқ ўйнадик, гарчи буни қилиш унчалик қийин бўлмаса-да. Ўшанда кўп вазият яратмагандик, лекин бугун гол уриш учун вазиятлар бўлди.
Иккинчи бўлимда жамоа ажойиб ўйин кўрсатди. Бундай мустаҳкам ҳимояга эга бўлган рақибга қарши жуда кўп имконият ярата оладиганлар кам. Афсуски, биз иккинчи голни ура олмадик", деди Слот.
