"Liverpul" bosh murabbiyi Arne Slot "Nottingem Forest"ga qarshi o‘yindagi (1:1) jamoasining o‘yini haqida o‘z fikrlarini aytdi.
“O‘rmonchilar” 8-daqiqada Kris Vudning goli evaziga hisobda oldinga chiqib olishdi. Mehmonlar safida 66-daqiqada Diogo Jota hisobni tenglashtirdi.
"Biz, albatta, “Nottingem Forest”ga qarshi oldingi o‘yinga qaraganda yaxshiroq o‘ynadik, garchi buni qilish unchalik qiyin bo‘lmasa-da. O‘shanda ko‘p vaziyat yaratmagandik, lekin bugun gol urish uchun vaziyatlar bo‘ldi.
Ikkinchi bo‘limda jamoa ajoyib o‘yin ko‘rsatdi. Bunday mustahkam himoyaga ega bo‘lgan raqibga qarshi juda ko‘p imkoniyat yarata oladiganlar kam. Afsuski, biz ikkinchi golni ura olmadik", dedi Slot.
