"Реал"нинг собиқ ҳужумчиси Антонио Кассано "Барселона"дан мамнун.
Италиялик собиқ футболчи 2006 йилнинг январида "Лос-Бланкос" сафига қўшилган, 2008 йилнинг ёзида эса Испанияда ўзини кўрсата олмагани учун "Сампдория"га сотиб юборилганди.
"Мен "Реал"да ўйнаганман, ҳеч қачон "Барселона"да ўйнаш имконим бўлмаган. Лекин мен "Барселона"ни севаман ва уни ҳали ҳам яхши кўраман.
Мени энг ақлдан оздирадиган нарса бу "Барса"нинг ўйин услуби. У ерда улар нафақат ғалаба қозониш, балки футболдан қандай завқ олиш ҳақида ҳам ўйлашади.
Тўпга эгалик қилиш, ҳужумкор ўйин. Бошқа ҳеч бир жамоа буни қилмайди. "Барса" дадил ёндошади, улар ҳеч нарсадан қўрқмайдилар", - дея Кассанонинг сўзларини келтиради Barca Universal.
