"Real"ning sobiq hujumchisi Antonio Kassano "Barselona"dan mamnun.
Italiyalik sobiq futbolchi 2006 yilning yanvarida "Los-Blankos" safiga qo‘shilgan, 2008 yilning yozida esa Ispaniyada o‘zini ko‘rsata olmagani uchun "Sampdoriya"ga sotib yuborilgandi.
"Men "Real"da o‘ynaganman, hech qachon "Barselona"da o‘ynash imkonim bo‘lmagan. Lekin men "Barselona"ni sevaman va uni hali ham yaxshi ko‘raman.
Meni eng aqldan ozdiradigan narsa bu "Barsa"ning o‘yin uslubi. U yerda ular nafaqat g‘alaba qozonish, balki futboldan qanday zavq olish haqida ham o‘ylashadi.
To‘pga egalik qilish, hujumkor o‘yin. Boshqa hech bir jamoa buni qilmaydi. "Barsa" dadil yondoshadi, ular hech narsadan qo‘rqmaydilar", - deya Kassanoning so‘zlarini keltiradi Barca Universal.
