ОАВ хабарига кўра, "Арсенал" марказий ҳужумчи позициясини мустаҳкамлаш учун иккита номзодни аниқлаган. Даъвогарлар рўйхатидан "РБ Лейпциг"дан словениялик Бенжамин Шешко ва "Ювентус"нинг сербиялик футболчиси Душан Влаҳович бор.
Манбанинг қўшимча қилишича, Турин клуби вакилининг трансфери эҳтимоли катта. Хабарларга кўра, Шешко "канонирлар" учун устувор вазифа бўлган, бироқ жорий трансфер ойнасида келишувга эришиш қийин бўлиши мумкин. Энди лондонликлар бор эътиборларини Влаҳовичга қаратишди.
Душаннинг "Ювентус" билан шартномасини узайтириш борасидаги музокаралари боши берк кўчага кириб қолди. Серб Премьер-лигага ўтишга тайёр. Шартнома тахминан 60 миллион еврони ташкил қилиши мумкин.
