"Манчестер Юнайтед" ҳужумчиси Маркус Рэшфорд сўнгги кунлар ва ҳафталарда бошқа клубга ўтиши мумкинлиги ҳақида хабарлар тарқалган эди. Матбуот анжуманида "қизил иблислар" бош мураббийи Рубен Аморимдан Рэшфорднинг келажаги ҳақида сўрашди. Бироқ португалиялик мутахассис аниқ жавоб бермади.
"Мен эртага фақат ғалаба қозонишни хоҳлайман. Мен эртага ғалаба қозонишга бор эътиборимни қаратганман ва менга ғалаба қозониш учун энг яхши имкониятни берадиган ўйинчиларни таркибга киритаман. Мен фақат шунга эътибор қаратганман", - деди Аморим журналистларга.
