Таниқли футбол инсайдери Фабрицио Романо “Манчестер Юнайтед” вингери Алехандро Гарначонинг Италиянинг “Наполи” клубига ўтиши мумкинлиги ҳақида фикр билдирди.

"У "Наполи" учун бироз орзу. У клубда улар жуда қадрлайдиган футболчи. Лекин шу билан бирга, улар реалист ва "МЮ" Гарначо учун катта пул истаётганини ва келишув уларга 35-40 миллион еврога тушмаслигини тушунишади.

Демак, ҳаммаси “Наполи”нинг бюджетига ва уларнинг катта пул сармоя қилишга тайёрлигига боғлиқ. Антонио Конте Гарначонининг ашаддий мухлиси, аммо айни дамда “Наполи” вазиятни ҳушёрлик билан баҳоламоқда", — деб ёзди Романо ижтимоий тармоқдаги саҳифасида.

Олдинроқ, "Наполи" Алехандро Гарначони Хвича Кварацхелия ўрнига потенциал футболчи сифатида кўраётгани ҳақида маълумотлар пайдо бўлганди.