"Ювентус" "Аталанта"нинг 3 нафар футболчисига қизиқиш билдирмоқда.
Corriere dello Sport нашри хабарига кўра, Турин клубига ярим ҳимоячи Эдерсон Лоуренцо, ҳимоячи Жоржио Скальвини ва ҳужумчи Матео Ретеги ёқади.
Улардан биринчиси билан вазият энг оддий: бразилиялик футболчи шартномасини узайтирмоқчи эмас ва ўзини янги клубда синаб кўрмоқчи. Қишда сотилмайди, лекин ёзда сотилиши мумкин. 25 ёшли футболчи 60 миллион еврога тушади.
Скальвинига келсак, унинг нархи қанча бўлиши номаълум. Икки йил аввал “Аталанта” ҳимоячини 35 миллион еврога сотмаганди – унга “Интер” ва “ПСЖ” қизиқиш билдирган.
Ретегини сотиб олиш қийин бўлади, аммо у ҳали ҳам "Ювентус"ни тарк этиши кутилаётган Душан Влаховичнинг ўрнини босадиганлардан бири ҳисобланади. Матео камида 65 миллион еврога тушади, аммо "Аталанта" ҳар қандай ҳолатда ҳам уни қўйиб юборишни истамаса керак.
