Кириш Регистрация
11/02 00:45 Интер 2-1 Фиорентина
11/02 01:00 Мальорка 1-1 Осасуна
11/02 22:45 Брест 0-3 ПСЖ
12/02 01:00 Ювентус 2-1 ПСВ
12/02 01:00 Манчестер Сити 2-3 Реал Мадрид
12/02 01:00 Спортинг 0-3 Боруссия Д
13/02 00:30 Эвертон - Ливерпуль

БМТ элчиси ФИФАга Марокашда итларни оммавий қатл этилишини тўхтатишни сўраб мурожаат қилди

Баҳо:
+ | -

БМТнинг тинчлик элчиси Жейн Гудолл Марокашда итларни оммавий қатл этилиши масаласида ФИФАга мурожаат қилди.

Эслатиб ўтамиз, аввалроқ маълум бўлишича, Марокаш ҳукумати 2030 йилда бўлиб ўтадиган футбол бўйича Жаҳон чемпионати олдидан 3 миллиондан ортиқ дайди итларни қатл этишни режалаштирган.

Шу муносабат билан, Британия фаоли ФИФАнинг бош котиби Маттиас Графстрёмга очиқ хат йўллаб, ҳайвонларнинг йўқ қилинишининг олдини олишга чақирди.

"Марокаш ҳукуматининг Жаҳон чемпионати ўтказиладиган жойларни хорижий меҳмонлар учун "жозибадорроқ" кўрсатиш мақсадида дайди итларни оммавий қатл этиш бўйича амалга ошираётган ҳаракатлари ҳақидаги хабарлар мени қаттиқ ҳайратга солди. Шунингдек, IAWPC (Халқаро ҳайвонларни ҳимоя қилиш коалицияси) томонидан берилган маълумотга кўра, бу мудҳиш ишлар ҳақидаги ҳужжатли материаллар сизга тақдим этилган бўлса-да, эътиборсиз қолдирилганидан қўрқаман.

Футбол мухлисларининг, уларнинг кўпчилиги ҳайвонларни севувчилар эканлигини биласиз. Улар бу ҳақда билиб қолса, қандай муносабат билдиришини тасаввур қила оласизми? Мамлакатни бойкот қилиш чақириқлари бўлиши мумкин, шунингдек, турнирнинг ҳомийларига, жумладан, Qatar Airways компаниясига ҳам босим ўтказилиши эҳтимоли бор. Бундан ташқари, бу ФИФАни яна жамоатчиликнинг диққат марказига олиб чиқади. Мен сиз ФИФА обрўсини тиклаш учун иш олиб бораётганингизни биламан, лекин агар чора кўрилмаса, ФИФА қўрқинчли шафқатсизликда иштирок этган ташкилот сифатида танилади.

Мен сизга қатл этиш ишларини тўхтатишга кафолат беришингизни ва Марокашга унинг мезбон-давлат мақоми бу ҳаракатлар тўхтамагунча бекор қилиниши ҳақида хабар беришингизни қатъий тавсия қиламан. Бошпанага муҳтож итларнинг популяциясини назорат қилишнинг кўпгина инсоний альтернатив усуллари мавжуд бўлиб, уларни амалга оширишда Марокаш ҳукуматига ёрдам беришга тайёр халқаро ташкилотлар бор.

Футбол номи билан амалга оширилаётган бу шафқатсизлик кампаниясини ҳеч қандай оқлаб бўлмайди. Мен сиздан ФИФАнинг бош котиби сифатида зудлик билан бу ҳаракатларни тўхтатиш учун чора кўришингизни ва дунёнинг барча футбол мухлисларининг ҳурматини қозонишингизни сўрайман", – дейилади Гудоллнинг очиқ хатида.

Манба: isport.ua
Киритилди: 23:37, 16.01.2025.
Ўқилди: 2249 марта.
Фикрлар: 0 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.