Бундан бироз аввал Қатар пойтахти Доҳада Уммон ҳамда Ливан терма жамоалари ўртасидаги ўртоқлик учрашуви якунига етди. Ўйинда 1:1 ҳисобидаги дуранг натижа қайд этилди.

34-дақиқа Уммон терма жамоаси Абдул Азизнинг голи ҳисобига олдинга чиқиб олган бўлса, 62-дақиқада ливанликлар Аднан Ҳайдарнинг ажойиб голи билан жавоб қайтаришди. Учрашув якунига қадар ҳисоб ўзгармай қолди: Уммон-Ливан-1:1.

Ўзбекистон терма жамоаси Ливан билан икки ўйинни ҳам ўтказиб бўлганини ҳисобга олиб, ўйиннинг биз учун аҳамиятсиз эканини таъкидлаш нотўғри бўларди. Чунки Ливан 4 июнь куни Ж.Корея билан ўйнайди, кейинчалик Эрон меҳмони бўлади. Бу икки ўйинда терма жамоамизнинг энг асосий рақибларидан қимматли очколарни айнан Ливан тортиб олса, не ажаб...