"Реал Мадрид"нинг ҳужумчиси Эндрик Испания кубогида "Сельта"ни 5:2 ҳисобида мағлуб этганидан сўнг журналистлар билан суҳбатлашди.
Футболчи 79-дақиқада Килиан Мбаппе ўрнига захирадан майдонга тушди ва 108 ва 119-дақиқаларда икки бор рақиб дарвозасини ишғол қилди.
"Бу жуда мураккаб ўйин бўлди. Биз 2:0 ҳисобида олдинга чиққан эдик, кейин икки марта гол ўтказиб юбордик, аммо "Реал" - бу "Реал"дир. Биз ҳар доим охиригача курашамиз. Қийин бўлди, лекин биз гол уриб, ғалаба қозондик.
Мен ўзим урган иккита голни Рюдигерга бағишлайман. У менга клубга келган биринчи кунимдан бошлаб ёрдам бериб келмоқда," - деди Эндрик.
