Фарруҳ Зокиров бошчилигида Ўзбекистон аёллар футзал терма жамоаси Осиё чемпионати саралаш босқичи доирасида биринчи учрашувда филиппинликлар билан дуранг (3:3) ўйнади, иккинчи баҳсда эса кувайтликларни йирик (5:0) ҳисобда мағлуб этди.

Учинчи турдан кейин гуруҳимизда Филиппин терма жамоаси пешқадамлик қиляпти. Ҳамюртларимиз бугун нафақат турнинг, балки саралаш босқичининг энг муҳим учрашувларидан бирини Австралия термасига қарши ўтказади.

2025 йилги футзал бўйича аёллар Осиё кубоги «С» гуруҳи  саралаш учрашуви
Австралия - Ўзбекистон
17 январь; 18:00
«Юнусобод» спорт мажмуаси

Терма жамоамиз олдига нафақат Осиё чемпионати финал босқичига чиқиш, балки Жаҳон чемпионатига йўлланма олиш мақсад қилиб қўйилган. Шундай экан, асосий  вазифа – Австралия довонидан ўтиш. Бундай муҳим учрашувда футзалчи қизларимизни қўллаб-қувватлашингиз, олқишларингиз муҳим аҳамият касб этади. Терма жамоамиз муваффақиятига ўз ҳиссангизни қўшинг.

Эслатиб ўтамиз, Австралияга қарши учрашув эртага, 17 январь куни соат 18:00да «Юнусобод» спорт мажмуасида бошланади. Кириш БЕПУЛ.