Эртага Нидерландиянинг Вейк-ан-Зее шаҳрида шахмат бўйича анъанавий "Tata Steel Chess-2025" мусобақаси старт олади.
Хабар берганимиздек, мусобақа доирасида ўзбекистонлик гроссмейстерлар Нодирбек Абдусатторов ва Нодирбек Якуббоев ҳам иштирок этади.
"Мастерс" гуруҳида баҳс олиб борадиган Нодирбек Абдусатторовнинг илк рақиби маълум бўлди. Ҳамюртимиз 1-турда ҳиндистонлик Рамешбабу Прагнанандҳа билан тўқнаш келади. Биринчи тур учрашувлари бизнинг вақт билан соат 18:00 да бошланади.
Биринчи раунд жуфтликлари:
Пентала Харикришна — Аржун Эригайси
Макс Вармердам — Алексей Сарана
Рамешбабу Прагнанандха — Нодирбек Абдусатторов
Вэй И — Фабиано Каруана
Леон Люк Мендонка — Винсент Каймер
Йорден ван Форест — Владимир Федосеев
Гукеш Доммаражу — Аниш Гири.
"Челленжер" гуруҳидаги Нодирбек Якуббоев эса биринчи даврада ҳиндистонлик Дивья Дешмух билан беллашади.
