Бокуда "Каспий кубоги" мусобақасига старт берилди. Бугун 4та гуруҳда биттадан ўйинлар бўлиб ўтди.

Ўзбекистон терма жамоаси ўрин олган "С" гуруҳида Туркия ёшлар терма жамоаси Иордания устидан 4:0 ҳисобида ғалаба қозонди. Қолган гуруҳлардаги ўйинларда ҳам йирик ҳисоблай қайд этилди. Уругвай Тожикистонни 3:0 ҳисобида таслим этган бўлса, мезбонлар Қирғизистон дарвозасига жавобсиз 7та гол йўллашди.

Болгария ўсмирлари эса яна бир қўшнимиз Қозоғистонни бутунлай тор-мор этди — 13:0.

Мусобақада кейинги ўйинлар 30 май куни ўтказалади. Эртага терма жамоамиз Иорданияни синовдан ўтказади. Баҳс Тошкент вақти билан соат 20:00да бошланади. Темур Олимхўжаев шогирдларининг навбатдаги ўйини 1 июнь куни Туркияга қарши бўлиб ўтади.

"А" гуруҳи
Озарбойжон - Қирғизистон - 7:0 (3:0)

"В" гуруҳи
Болгария – Қозоғистон - 13:0 (5:0)

"С" гуруҳи
Туркия – Иордания - 4:0 (3:0)

"D" гуруҳи
Уругвай – Тожикистон - 3:0 (3:0)