Бир кун олдин ҳужумчи Эрлинг Холанд "Манчестер Сити" билан янги ва жуда узоқ муддатли шартнома имзолади - у 2034 йилнинг ўрталарига қадар амал қилади.
Гарчи Англияда улар Холанднинг меҳнат шартномасида сотиб олиш имконияти йўқлигини ёзишган бўлса-да, AS нашри бошқа маълумотларни ишончли манбалардан билиб олди.
Нашрнинг ёзишича, Холанд янги шартномаси муддати яқинлашиб қолганда ёки ярмидан ўтганда кўпроқ пул эвазига бошқа клубга кетиши мумкин бўлади. Ушбу банд 2029 йилнинг ёзида ёки 2030 йилнинг ёзида кучга кириши мумкин (аниқ сана ҳали ошкор этилмаган).
Бундан ташқари, шартнома муддати якунланиб боргани сари, тўлов миқдори ҳам шунчалик кам бўлади. Қайд этилишича, бундай банднинг киритилиши Холанд учун муҳим эди. У банд бўлмаганида норвегиялик футболчи бунчалик узоқ шартнома имзоламасди. Холанд ўз келажагини назорат қилишни ва "Реал Мадрид" учун эшикни очиқ қолдиришни истайди. Илгари матбуот норвегияликни Мадрид суперклуби билан фаол боғлаган.
