Ҳужумкор ярим ҳимоячи Деле Алли олти ойдан кўпроқ вақт давомида клубсиз қолмоқда. Англиялик футболчи яқинда "Комо" билан машғулот ўтказди ва Сеск Фабрегасда яхши таассурот қолдирган кўринади.
Нуфузли инсайдер Фабрицио Романонинг ижтимоий тармоқларда хабар беришича, "Комо" Деле Алли билан шартнома имзолашга қарор қилган. 28 ёшли инглиз футболчиси якшанба куни меҳнат шартномасини имзолайди. Шартнома 2026 йилнинг ўрталарига қадар амал қилади. Футболчининг ўйинига қараб шартнома яна узайтирилиши мумкин бўлади.
"Комо" айни дамда Италия чемпионати турнир жадвалида 16-ўринда бормоқда.
