"Барселона" Ла Лиганинг сўнгги 8 ўйинидан 7 тасида очко йўқотди.
Ханси Флик шогирдлари бугун 20-турда "Хетафе" билан 1:1 ҳисобида дуранг ўйнади.
10 ноябрдан буён каталонияликлар чемпионатда фақат "Мальорка"ни (5:1) мағлуб эта олишди. Бу вақт ичида улар тўртта мағлубият ва учта дурангга ҳам эга бўлишди.
"Барселона" 39 очкога эга ва турнир жадвалида учинчи ўринда, пешқадам "Атлетико"дан 5 очко, иккинчи ўриндаги "Реал"дан 4 очко ортда қолмоқда ("қироллик клуби"нинг бир захира ўйини бор).
26 январь куни "блауграна" "Валенсия" билан учрашади.
