Кенан Йилдиз "Милан"га қарши ўйинда мушакларидан жароҳат олди.
Кеча "Ювентус" А Сериянинг 21-турида "россонерилар"ни мағлуб этди (2:0).
Туркиялик ярим ҳимоячи учрашувдаги танаффус вақтида алмаштирилди. Унинг ўрнига Тимоти Веа майдонга тушди.
"Ювентус" бош мураббийи Тиаго Моттанинг сўзларига кўра, Кенан қўшимча мушакларидаги муаммодан шикоят қилган. Тез орада футболчи жароҳат даражасини аниқлаш учун тиббий кўрикдан ўтиши кутилмоқда.
Йилдиз жорий мавсумда "Ювентус" сафида барча мусобақаларда 29 та ўйинда майдонга тушиб, 6 та гол урди ва 5 та голли узатмани амалга оширди.
"Ювентус"нинг навбатдаги ўйини сешанба куни Чемпионлар лигаси доирасида "Брюгге"га қарши бўлади. А Сериянинг навбатдаги ўйини 25 январь куни сафарда "Наполи"га қарши ўтказилади.
