Мадриднинг “Реал” клуби ярим ҳимоячиси Браим Диасга бошқа клублар қизиқиш билдиришда давом этмоқда.
Асосий таркибда доимий ўринга эга бўлмаган кўплаб бошқа ўйинчилар сингари, марокашлик футболчи ҳам жамоани тарк этиши мумкин. "Transfer News Live"нинг "Fichajes" нашрига таяниб хабар беришича, “Лос-Бланкос”нинг 25 ёшли ҳужумкор ярим ҳимоячиси “Ливерпуль”, “Бавария” ва Дортмунднинг “Боруссия” клублари номзодлари рўйхатидан жой олган.
Браим Диаснинг "Transfermarkt"даги тахминий баҳоси 35 миллион еврони ташкил қилади.













