"Реал Мадрид" ўз таркибини кучайтириш имкониятларини ўрганмоқда. "Transfer News Live" нашрининг "La Gazzete Dello Sport" нашрига таяниб хабар беришича, Мадрид клуби "Милан"дан Алекс Хименесга қизиқиш билдирмоқда. Тахминларга кўра, 19 ёшли испаниялик футболчи мавсум охиригача Италия клубида қолади.
Алекс Хименес ҳимоянинг иккала томонида ҳам, ҳужум қанотларида ҳам ўйнашга қодир. Футболчи "Реал Мадрид"нинг ёшлар тизими маҳсули, аммо "Милан" уни 2023 йилнинг ёзида ижарага олиб, бир мавсумдан кейин сотиб олди. Хименес “россонерилар”нинг асосий таркибида 13 та ўйин ўтказди.
Нуфузли "Transfermarkt" портали экспертлари Алекс Хименесни 5 миллион еврога баҳоламоқда.