"Челси" ҳимоячиси Ренату Вейга "Ювентус"нинг трансфер мақсади ҳисобланади.
Португалиялик учун асосий даъвогар Дортмунднинг "Боруссия"си ҳисобланган, у "Челси" билан шартнома шартларини муҳокама қилишда давом этмоқда. Инсайдер Фабрицио Романо хабарига кўра, 21 ёшли футболчи учун курашга "Ювентус" ҳам қўшилган. Турин клуби "кўклар" билан чап қанотда ҳам ўйнашга қодир бўлган марказий ҳимоячи борасида музокараларни бошлаб юборган.
Transfermarkt экспертлари Ренату Вейганинг нархини 10 миллион еврога баҳоламоқда. Футболчининг "Челси" билан амалдаги шартномаси 2031 йилнинг ўрталарига қадар тузилган.













