Каталониянинг "Барселона" клуби "Манчестер Юнайтед" ҳужумчиси Маркус Рэшфордни ижарага олиши мумкин.
Аввалроқ трансферга қанот ҳужумчиси Ансу Фатининг "Барселона"ни тарк этишни истамагани тўсқинлик қилаётгани хабар қилинганди. Испаниялик футболчи "кўк-анорранглилар" сафидаги маоши бўйича кучли 3-ўринда.
«Diario Sport» хабарига кўра, Рэшфорд билан шартнома имзоланишига ҳимоячи Эрик Гарсиянинг кетиши ёрдам бериши мумкин, унинг хизматларига "Жирона" ва "Реал Сосьедад" қизиқиш билдирмоқда.
Аввалроқ, "Барселона" бош мураббийи Ханс-Дитер Флик Гарсияни қўйиб юборишни истамаётгани ҳақида хабарлар тарқалган эди.
