"Манчестер Сити" ҳимоячилар Витор Рейс ва Абдуқодир Ҳусановни қачон янги ўйинчи сифатида расман кўрсатиши ҳақида маълумот пайдо бўлди.
Журналист Саймон Байковскийга кўра, Рейс ва Ҳусановлар яқин 24 соат ичида (катта эҳтимол билан бугун тунда) янги трансферлар сифатида эълон қилинади. Бироқ ҳар иккала футболчи ҳам Чемпионлар лигасининг навбатдаги ўйинида майдонга туша олмайди, чунки улар фақат умумий босқич якунига етганидан кейин турнирга рўйхатдан ўтишлари мумкин.
Ҳимоячиларнинг дебюти 25 январь куни Англия Премьер-лигасининг 23-туридан ўрин олган "Манчестер Сити" – "Челси" учрашувида бўлиб ўтиши мумкин.
Эслатиб ўтамиз, Рейс ва Ҳусановни сотиб олиш "шаҳарликлар"га тахминан 80 миллион еврога тушган.