UFC 311 турнири якунига кўра, спортчиларнинг гонорарлари миқдори эълон қилинди. Унга кўра, ўзбекистонлик MMA жангчиси Гусков умумий ҳисобда 86 минг долларга эга чиқди.

У жангдаги иштироки учун 43 минг, ғалаба учун яна 43 минг доллар пул олди. Унинг рақиби Элекана эса 16 минг долларга эга бўлди.

Турнирдаги энг кўп гонорарни Ислам Махачев ишлаб олди. У умумий ҳисобда 3,6 миллион доллар гонорар олган. Россиялик спортчи жангда иштирок этгани учун 1 миллион, ғалаба учун 100 минг, ҳомийлардан 42 минг, пулли трансляциялардан 2,5 миллион ишлаб топган.

Ренато Мойкано эса Сарукяннинг ўрнига жанг қилишга розилик бергани учун 1,5 миллион долларга бойиди. У жангдаги иштирок учун 500 минг, ҳомийлардан 32 минг, трансляциялар орқали эса 850 минг доллар олди.

Яна бир марказий жанг иштирокчилари Мераб Двалишвили умумий ҳисобда 2,2 миллион, Умар Нурмагомедов 1,13 миллион долларга эга чиқди.

MMA устаси Богдан Гусков турнирда америкалик 29 ёшли Билли Элеканга қарши ўтказди.

Баҳснинг иккинчи раундида Богданнинг бўғиш усули туфайли Элекана жангни давом эттира олмади ва ўзбекистонлик спортчи ғалаба қозонди.