Сешанба оқшомида Саудия Арабистони чемпионатида "Ал-Халиж" ва "Ан-Наср" ўзаро баҳс олиб борди.
Учрашувнинг 65-дақиқасида Криштиану Роналду жарима майдончаси чизиғидан рақиб дарвозасини аниқ нишонга олди.
Ҳозирда Роналдунинг фаолиятидаги голлари сони 918 тага етди. Португалиялик ҳужумчи кўзлаган 1000 та голга янада яқинлашди. Бунга эришиш учун Криштиану яна 82 та гол уриши керак. Роналду ҳозир 39 ёшда, лекин у ажойиб формада ва фаолиятини якунлаш ҳақида ўйламаяпти.
Криштиану Роналдунинг "Ан-Наср" билан амалдаги шартномаси 2024/2025 йилги мавсум охиригача амал қилади.
