"Ан-Наср" ҳозирда "Манчестер Юнайтед" ярим ҳимоячиси Каземирога қизиқмаяпти, дея хабар беради The Athletic нашри.
Манбага кўра, 32 ёшли бразилиялик футболчининг собиқ "Реал" ва "Манчестер Юнайтед"даги жамоадоши Криштиану Роналду ўйнаётган Саудия Арабистони клуби ҳозирда футболчига қизиқиш билдирмаяпти.
Аввалроқ, Os Donos da Bola нашри Каземиро Саудия Арабистони суверен жамғармаси билан шартнома имзолагани ҳақида маълумот пайдо бўлганди.
Marca нашри хабарига кўра, "Ан-Наср" ҳужумчиси Криштиану Роналду клубдан Каземиро билан шартнома имзолашни сўраган.
Бразилиялик ҳимоячи ярим ҳимоячи "манкунианликлар" сафида 2022 йилнинг август ойидан бери ўйнаб келмоқда, ўшанда у "Реал"дан 70,65 миллион евро эвазига ўтган эди. Жорий мавсумда у 22 та ўйин ўтказиб, 3 та гол урди.
