Ҳужумчи Криштиану Роналду Саудия Арабистони чемпионати доирасидаги "Ал-Халиж"га қарши ўйинда дубль қайд этди.
"Ан-Наср" матбуот хизмати Роналдунинг клуб учун 100 та голли ҳаракатини амалга оширгани ҳақида хабар тарқатди.
"100! Барча даврларнинг энг буюк ўйинчиларидан бири", - деб ёзди "Ан-Наср" клуби матбуот хизмати ижтимоий тармоқда.
Криштиану Роналду 2023 йил бошидан буён "Ан-Наср" сафида ўйнаб келмоқда. Португалиялик форварднинг Саудия клуби билан амалдаги шартномаси жорий мавсум охиригача амал қилади.
Эслатиб ўтамиз, Transfermarkt маълумотларига кўра, Роналду "Ан-Наср" сафида 95 та гол киритган. Балки Саудия клуби норасмий ўйинларни ҳисобга олди ёки узатмаларни бошқача ҳисоблайди.
