"Манчестер Юнайтед" ҳужумчиси Маркус Рэшфорд "Барселона" билан музокараларни давом эттирмоқда.
Каталония гранди инглиз футболчисини ижарага олишдан манфаатдор, бироқ шартномани якунлаш учун ўз футболчиларидан бири билан хайрлашиши керак.
Журналист Ҳелена Кондиснинг хабар беришича, 27 ёшли форвард ўз трансферига тўсқинлик қилаётган муаммоларни ҳал қилиш учун "Барселона"га 5-6 кун муҳлат берди.
Вазиятни белгиланган муддатда ҳал қилиб бўлмаса, футболчи бор эътиборини бошқа вариантларга қаратади.
Маркус Рэшфорд учун “Боруссия”, “Милан” ва “Монако” клублари ҳам давогарлар қаторида бор.
