Вангелис Павлидиснинг хет-триги “Бенфика”га Чемпионлар Лигаси “Барселона”га қарши ўйинда (4:5) мағлубиятдан қутулиб қолишга ёрдам бермади.

Грециялик форвард 30-дақиқага келиб уч бор рақиб дарвозасини ишғол қилди. 80-дақиқада футболчи 4:3 ҳисоби бўлиб турганда алмаштирилди.

Squawka хабарига кўра, Павлидис Чемпионлар лигасидаги мағлубиятли ўйинда хет-трик қайд этган бешинчи футболчи бўлди.

Бунгача Роналду (2003), Гарет Бэйл (2010), Ирфан Каҳвечи (2020) ва Кристофер Нкунку (2021) билан ҳам шундай бўлганди.