"Барселона" дарвозабони Войцех Шесни жамоанинг натижалари ҳақида гапирди.
Сешанба куни каталонияликлар “Бенфика”ни меҳмонда мағлуб этишди (5:4), якунда ажойиб “камбэк” қилишди.
Бу ғалаба Ханс-Дитер Флик жамоаси учун Чемпионлар лигасидаги қаторасига олтинчи ғалаба бўлди.
"Сўнгги пайтларда биз Ла Лигада, айниқса паст блокда ҳимояланадиган жамоаларга қарши баъзи қийинчиликларга дуч келдик.
Эҳтимол, Чемпионлар лигасида рақиблар ҳимояда кўпроқ жой қолдиришади, шунинг учун ҳам биз жуда кўп гол урамиз", - деди Шесни ўйиндан кейинги интервьюсида.
