"Байер" бош мураббийи Хаби Алонсо "Атлетико"га қарши Чемпионлар лигасининг 7-тур учрашувидан сўнг журналистлар билан гаплашди. "Фармацевтлар" сафарда 1:2 ҳисобида мағлуб бўлишди.
"Бу ўйинда "Байер" ҳам яхши, ҳам ёмон даврларни ўтказди. Жавоб голи бизни тушкунликка солиб, рақибни руҳлантирди. Ўша голдан кейин ўзимизга бўлган ишончни қайтара олмадик. Ўйин мезбонларнинг сценарийсига кўра ривожланди", - деди испаниялик мутахассис.
Чемпионлар лигасининг умумий босқичининг сўнгги тури олдидан “Байер” 13 очко билан турнир жадвалида олтинчи ўринда бормоқда.
