Чемпионлар лигаси умумий босқичи еттинчи тур учрашувида Мадриднинг “Атлетико” клуби Леверкузеннинг “Байер” клубини қабул қилиб, 2:1 ҳисобида ғалаба қозонди. Аргентиналик ҳужумчи Хулиан Альварес “матрасчилар” дарвозасига иккита гол урди.
“Альварес фақат юқори даражадаги ҳужумчилар қила оладиган ишни қилди. У йўқ жойдан гол яратди. Кўпчилик буни қила олмайди", - дейди "Байер" бош мураббийи Хаби Алонсо.
Ғалабадан сўнг мадридликлар ҳисобида 15 очко бор. Диего Симеоне жамоаси Чемпионлар Лигаси умумий жадвалида учинчи ўринда бормоқда. "Байер" эса ўз навбатида 13 очко билан олтинчи ўринга жойлашган.













