"Марсель" ҳужумчиси Мейсон Гринвуд Ямайка терма жамоасида ўйнаймоқчи.

Daily Star хабарига кўра, 23 ёшли англиялик спорт фуқаролигини ўзгартириш учун ҳужжатларни расмийлаштиришнинг сўнгги босқичида. Айтилишича, Гринвуд Ямайка терма жамоаси вакили бўлишга Англия футбол ассоциацияси уни бошқа ҳеч қачон мамлакат терма жамоасига чақирилмаслигини аниқ билдирганидан кейин қабул қилган.

Гринвуд Ямайка терма жамоаси вакили бўлиш ҳуқуқини Кариб денгизи штатида туғилган отаси туфайли қўлга киритди. Бундан ташқари, футболчининг Англия терма жамоасидаги ягона ўйини у 21 ёшдан кичик бўлганида содир бўлган ва бу ФИФА қоидаларига мувофиқ спорт фуқаролигини ўзгартиришга имкон берган.

Гринвуд жорий мавсум “Марсель” сафида 20 та ўйинда майдонга тушиб, 13 та гол урди ва 4 та голли узатмани амалга оширди.