"Бавария" бош мураббийи Венсан Компани ёзда Дортмунднинг "Боруссия" клуби вингери Жейми Гиттенснинг трансферини тасдиқлади. Бу ҳақда журналист Флориан Плеттенберг хабар берди.
Мюнхен клуби менежерлари Макс Эберль ва Кристоф Фреунд бу борада фаол ишламоқда. Футболчининг агентлари билан илк музокаралар аллақачон бўлиб ўтган. Маълумотларга кўра, инглиз футболчиси "Бавария"нинг қанот ҳужумчиси бўлиш учун асосий вариантлари қаторига киради.
Жейми Гиттенс жорий мавсум Дортмунднинг “Боруссия” клуби сафида 27 та ўйинда майдонга тушди. Уларда у 11 та гол урди ва 5 та голли узатмани амалга оширди.
