"Bavariya" bosh murabbiyi Vensan Kompani yozda Dortmundning "Borussiya" klubi vingeri Jeymi Gittensning transferini tasdiqladi. Bu haqda jurnalist Florian Plettenberg xabar berdi.
Myunxen klubi menejerlari Maks Eberl va Kristof Freund bu borada faol ishlamoqda. Futbolchining agentlari bilan ilk muzokaralar allaqachon bo‘lib o‘tgan. Ma’lumotlarga ko‘ra, ingliz futbolchisi "Bavariya"ning qanot hujumchisi bo‘lish uchun asosiy variantlari qatoriga kiradi.
Jeymi Gittens joriy mavsum Dortmundning “Borussiya” klubi safida 27 ta o‘yinda maydonga tushdi. Ularda u 11 ta gol urdi va 5 ta golli uzatmani amalga oshirdi.