"Манчестер Юнайтед" бош мураббийи Рубен Аморим ўзининг сўнгги фикрларига изоҳ берди. "Брайтон"дан 1:3 ҳисобида мағлубиятга учраганидан сўнг, Аморим бу "Манчестер Юнайтед"ни тарихдаги энг ёмони деб атади.
"Мен футболчиларим ҳақида эмас, ўзим ҳақимда кўпроқ гапирдим. Чунки дастлабки 10та ўйиндан 7тасида мағлуб бўлган мураббийни топиш қийин. Бу гап кўпроқ мен ҳақимда. Мен матбуотга шундай сарлавҳа берганимни тушунаман.
Баъзида хафа бўламан ва бундай гапларни айтмаслигим керак, лекин бу шундай. Баъзида умидсизликни яшириш қийин. Буни беш дақиқа олдин ечиниш хонасида жамоага айтганим яхши эди", деди Аморим журналистларга.
23 январ, пайшанба куни “Манчестер Юнайтед” Европа Лигаси доирасида “Рейнжерс”га қарши ўйнайди.
