Жереми Фримпонг "Метрополитано"даги рамзий гулларни тепгани учун узр сўради.
"Атлетико" Чемпионлар лигаси умумий босқичи доирасидаги ўз уйида "Байер"ни мағлуб этди (2:1).
Меҳмонлар сафида 46-дақиқада Пьеро Инкапье гол урди. Фримпонг голни нишонлаётган жамоадошларига яқинлашгач, ерда ётган гулларни тепди. Бу ҳаракат "Атлетико" мухлислари ва футболчиларини ғазаблантирди.
1996 йилдан бери "Атлетико" стадионидаги бурчак байроғига клуб афсонаси Милинко Пантиче шарафига гул қўйилиб келинмоқда.
“Кечаги ўйиндан сўнг “Метрополитано”га гулдаста қўйиш анъанаси ҳақида билиб олдим. Бундан хабарим йўқ эди, гол лаҳзасида ҳаяжонга берилиб, хатога йўл қўйдим.
“Атлетико” мухлисларидан ва айниқса Маргаритадан узр сўрайман”, деб ёзган “Байер” ҳимоячиси ўйиндан сўнг.
