Jeremi Frimpong "Metropolitano"dagi ramziy gullarni tepgani uchun uzr so‘radi.
"Atletiko" Chempionlar ligasi umumiy bosqichi doirasidagi o‘z uyida "Bayer"ni mag‘lub etdi (2:1).
Mehmonlar safida 46-daqiqada Pyero Inkapye gol urdi. Frimpong golni nishonlayotgan jamoadoshlariga yaqinlashgach, yerda yotgan gullarni tepdi. Bu harakat "Atletiko" muxlislari va futbolchilarini g‘azablantirdi.
1996 yildan beri "Atletiko" stadionidagi burchak bayrog‘iga klub afsonasi Milinko Pantiche sharafiga gul qo‘yilib kelinmoqda.
“Kechagi o‘yindan so‘ng “Metropolitano”ga guldasta qo‘yish an’anasi haqida bilib oldim. Bundan xabarim yo‘q edi, gol lahzasida hayajonga berilib, xatoga yo‘l qo‘ydim.
“Atletiko” muxlislaridan va ayniqsa Margaritadan uzr so‘rayman”, deb yozgan “Bayer” himoyachisi o‘yindan so‘ng.
