Ҳужумчи Умар Мармуш Германиянинг “Айнтрахт” клубидан “Манчестер Сити”га ўтгани ҳақида фикр билдирди. Мисрлик ҳужумчи инглиз клуби билан тўрт ярим йиллик шартнома имзолади.
"Мен бу кунни ҳеч қачон унутмайман. "Манчестер Сити" каби клубга ўтиш мен учун катта иш. Мен жуда мамнунман. Гвардиола қўл остида ўсишни ва бу ерда совринлар ютишни хоҳлайман. Жамоага қўшилишни интиқлик билан кутмоқдаман", - деди мисрлик футболчи.
Мавсумнинг биринчи ярмида Мармуш Германия чемпионатида 17 та ўйин ўтказди. Ҳужумчи 15 та гол ва 9 та голли узатмани амалга оширди.
