Родриго "Валенсия"га қарши ўйинда қизил карточка олган Винисиуснинг узр сўраши ҳақида гапирди.
"Реал" вингери "Валенсия" дарвозабони Столе Дмитриевскининг бошига орқадан зарба бергани учун майдондан четлатилди. Ўйин мадридликларнинг 2:1 ҳисобидаги ғалабаси билан якунланди.
Винисиус Жуниор ўйиндан сўнг ижтимоий тармоқ орқали жамоадан узр сўради. Кейинроқ бразилиялик футболчи икки ўйинга дисквалификация қилинди.
Родригонинг айтишича, вингер кийиниш хонасида ҳам барча жамоадошларидан кечирим сўраган.
"Ҳаммаси яхши. Албатта, у содир бўлган воқеадан бироз хафа бўлди. У қаерда хато қилганини ҳам билади ва бу бошқа такрорланмаслигини билади.
Ҳар биримиз нотўғри иш қилганимизда кечирим сўрашимиз керак. Биз бир оиламиз" - деди "Реал" футболчиси.
