"Барселона" спорт директори Деку "Ал-Ҳилол" ҳужумчиси Неймарнинг келажаги ҳақида гапирди.

32 ёшли футболчи тез орада фаолиятини бошлаган Бразилиянинг “Сантос” клубига қайтиши мумкин.

Журналистлар Декудан "Барселона"да юлдузни Каталонияга қайтариш имконияти борми, деб сўрашди.

"Неймарнинг "Барселона"га қайтиши ҳақидаги гап-сўзлар ҳар доим узоққа чўзилган. Биламизки, у Саудия Арабистонига кўчиб ўтганидан бери у жуда қиммат футболчи.

Неймар формада бўлганида дунёдаги энг кучли футболчилардан бири ҳисобланади. Уни исталган клуб кутиб олишади.

Ҳеч нарсани инкор этиб бўлмайди, лекин менимча, у ҳозир Бразилияга қайтади. Энг муҳими, у яна футбол ўйнаши керак.

Бу унга ҳам, бошқаларга ҳам қувонч келтиради.

Мен унинг режалари нима эканлигини билмайман, лекин энг муҳими, у бахтли", - дея Декунинг сўзларини келтиради Barca Universal.