"Арсенал" марказий ҳимоячиси Айден Хейвен Англиянинг бошқа топ-клубига ўтиши мумкин.
"Манчестер Юнайтед" "канонирлар"нинг 18 ёшли футболчисига кўз тиккан. Инсайдер Фабрицио Романонинг сўзларига кўра, "қизил иблислар" потенциал келишувни муҳокама қилиш учун аллақачон "Арсенал" билан боғланишган.
Ёш марказий ҳимоячига "Барселона" ва Франкфуртнинг "Айнтрахт" клублари ҳам қизиқиш билдиришган.
Айден Хейвен асосан лондонликлар захирасида ўйнайди. У асосий таркибда фақат битта ўйин ўтказди.
Истиқболли инглизнинг қиймати Transfermarkt портали экспертлари томонидан 300 минг еврога баҳоланмоқда.
