Неймар "Сантос"га қайтишга яқинлашмоқда.

Бразилия клуби январь ойи охиригача ўз тарбияланувчисини қайтарилишини эълон қилишни режалаштирмоқда, деб хабар беради Globo Esporte. "Сантос" ҳомийлар билан шартномаларни ошириш бўйича музокаралар олиб бормоқда ва техник ҳамкор Umbro билан биргаликда Неймарнинг футболкаларини чиқаришга ҳозирлик кўрмоқда.

Шу билан бирга, Неймар ва "Ал-Ҳилол" ҳалигача шартномани бекор қилишмаган. Саудия клуби футболчига тўланадиган тўловлар миқдорини - 65 миллион долларга камайтирмоқчи. Агар тўловлар миқдори камайтирилса ва тўлов муддати узайтирилса, "Ал-Ҳилол" бразилияликни қўйиб юборади.