"Барселона" қишки трансферлар ойнаси ёпилгунга қадар Маркус Рэшфордни ижарага олиш бўйича келишувни якунлашга умид қилмоқда.
Баъзи маълумотларга кўра, "Манчестер Юнайтед" форварди "кўк-анорранглилар" сафига қўшилишга тайёр, бироқ бу ҳаракатни амалга ошириш учун каталонияликлар ўз футболчиларидан бири билан хайрлашишига тўғри келади. Transfer News Live'нинг El Nacional нашрига таяниб хабар беришича, "Барселона" марказий ҳимоячи Андреас Кристенсенни "қизил иблислар"га қўйиб юборишга тайёр, шунда Рэшфорд каталонияликлар сафига ўта олади.
Аввалроқ, Англия клуби Transfermarkt томонидан 20 миллион еврога баҳоланган 28 ёшли даниялик футболчига қизиқиш билдираётгани ҳақида хабарлар тарқалган эди.
