Руди Гарсия Бельгия терма жамоасини расман бошқаришга киришди. Бу ҳақда мамлакат футбол федерацияси расмий сайтида маълум қилинган ва вақтни бой бермаслик учун 60 ёшли мутахассис ҳозирданоқ кадрлар бўйича қарорлар қабул қилмоқда.

Биринчи навбатда Бельгия терма жамоасининг янги мураббийи Куртуанинг терма жамоага қайтишини истамоқда. Мутахассис уни Бельгиянинг энг яхши футболчиларидан бири деб атади ва унга таянишини айтди.

Руди Гарсия Тибо Куртуадан ташқари Ромелу Лукаку ва Кевин де Брюйнени ҳам қайтармоқчи. Улар 2024 йил охирида Миллатлар лигаси ўйинларини ўтказиб юборишди. Гарсия ҳужумчи ва ярим ҳимоячи билан учрашиб, уларнинг Белгия терма жамоасидаги иштирокини муҳокама қилишни режалаштирмоқда.